Mundakak xarma berezia dauka, eta ezaugarri horrek udalerria aisialdirako gune bikaina bihurtzen du, bai udan baita neguan ere; udako giroa eta negu lasaiak oso bestelakoak dira atmosfera paregabe honetan. Bertako hotel txiki eta zainduek eta gastronomia bikainak Mundakara berriz etortzeko gogoak piztuko dizkizu.

Monumentuak Mundakako jatorria oso aspaldikoa eta ezezaguna da. Hori dela eta, denbora luzean zehar, bere sorrera azaltzeko alegia eta kondairetan oinarritu izan dira. Urdaibaiko Biosfera Erreserba Gune natural hau Busturialdean dago. Aberastasun ekologiko handiko hainbat habitat barne hartzen ditu, eta horietako bakoitzak balio preziatu eta ordezkaezina du.

Mundaka herria Mundakako itsasadar bokalearen ezkerraldean dago; handik Bilbora 40km daude. Donostiara 90km, eta Gasteizera beste horrenbeste. Loiuko aireportua 25km-tara dago. Kostaldetik aurrera joanda, kilometro gutxira, Bermeo dago, eta biosfera-erreserbaren barrualdera joanda, berriz, Gernika.

Garraio publikoari dagokionez, ordu erdiz behin badira autobusak (Bizkaibus) eta trenak (Euskotren) Bermeo-Bilbo eta Bilbo-Bermeo noranzkoetan.

Autobusa eta trena Errepidezko sarbideak